•••»WASILA«•••

Jiske Zariye Kisise Qurb Aur Nazdiqi Haasil Ki Jaye Usko Wasila Kehte Hain (Al-Taarifaat, Pg-225)

    Sahaba-A-Kiraam Aur Tamaam Bujurgaan-A-Deen Balki Khud Huzoor SALLALLAHU-ALAIHI-WASALLAM Ka Yahi Aqida Hain Ki Bujurgon Ko Wasila Banana Jayiz Hain, Zindagi May Bhi Aur Wafaat Ke Baad Bhi! Tafsil Mulahiza Ho!

    Huzoor Sayyad-A-Aalam SALLALLAHU-ALAIHI-WASALLAM Ka Aqida:-

(Visaal-Aqdas 11 Hijri, Mutabik 632 Iswi)

    Hazrat Usmaan Bin Hanif Radi-Allahu-Ta'aala-Anhu Se Riwayat Hain! "Ek Andha Aadmi Huzoor SALLALLAHU-ALAIHI-WASALLAM Ki Khidmat May Haazir Hua Aur Arz Kiya Ki Aap ALLAH Se Dua Karen Ki Wo Mujhe Aankh Wala Kerde! Huzoor SALLALLAHU-ALAIHI-WASALLAM Ne Farmaya, Agar Tu Chahe To Main Tere Liye Dua Karoon, Aur Agar Tu Chahe To Sabr Kerle Ki Wo Tere Liye Behter Hain! Arz Kiya Ki Dua Farmayen! Huzoor Ne Use Hukm Diya Ki, Accha Wazu Karo, 2 Rakat Namaz Padho Aur Yeh Dua Karo! Aye ALLAH! Main Tujhse Maangta Hoon Aur Teri Taraf Mohammad SALLALLAHU-ALAIHI-WASALLAM Ke Wasile Se Tawajjah Karta Hoon Jo Nabi-A-Rehmat Hain! Ya Rasoolallah! Main Aapke Wasila Se Apne Rab Ki Taraf Apni Is Haajat May Tawajjah Karta Hoon Tu Use Puri Farma De! Aye ALLAH! Mere Baare May Huzoor Ki Shafa-at Kubul Farma! To Wo Shaks Jab Aapke Farmane Ke Mutabik Kerke Khada Hua To Aankh Wala Hogaya!

(Tirmizi Sharif Jild-2, Pg-197)

******************************

TASHRIH:-

Imaam Tirmizi Ne Farmaya Ki Yeh Hadees Sahi Hain! Aur Allama Suyuti Ne Farmaya Is Hadees Ko Imaam Bukhari Ne Apni Tarikh May Riwayat Kiya! Aur Behki Ne Adhdalayil Wadhdawaat May Is Hadees Sharif Ki Riwayat Kerke Farmaya Sahi Hain! Aur Abu Nayeem Ne Ise Muafi May Riwayat Kiya!

    Is Hadees Sharif Se Wajeh Taurper Malum Hua Ki Huzoor SALLALLAHU-ALAIHI-WASALLAM Ka Yeh Aqida Hain Ki Mujhe ALLAH Ki Bargah May Wasila Banana Jayez Hain! Agar Shirk Hota To Huzoor SALLALLAHU-ALAIHI-WASALLAM Apne Wasila Se Dua Karne Keliye Us Nabina (Andhe) Ko Hargiz Hukm Na Farmate!